Февральданул 15-нний ДР-лул ХIукуматрал Председательнал буржру бартбигьлагьима Аьбдулмуслим Аьбдулмуслимов гьуртту хьунни ВКС-рал низамрай АьФ-лул ХIукуматрал Председательнал хъиривчув Александр Новаклул каялувшиврий хьусса батIаврий.
Ххал бигьлай бия догазификациялул программалул давуртту бартдигьаврил масъалартту. Муний гьуртту хьунни АьФ-лул субъектирттал бакIчитал «Газпром межрегионгаз» ОО-лул вакилтал ва цаймигу.
«Единая Россия» партиялул Генсоветрал секретарь Андрей Турчаклул тIимунийну, 2022-ку шинал ахирданийнин аьркинну бур газ буцин циняв къатравун билаятрайсса социал догазификациялул программалийну. ЦIанасса ппурттуву аьрасатлувтурал дуллуну дур 652 азарда заявка му программалуву гьуртту хьуншиврул. Чирчуну дур 225 азарда кьутIи.
ЦIана Дагъусттаннай дуллуну дур 1,5 азарунния лирчусса заявкарду, чирчуну дур 313 кьутIи къатлувун газ буцаврил хIакъираву (на подключение), 94 къатлучIан газ бувцуну бур, ливчIун бур так къатравун буцин, 84 къатлувун газ итабавкьуну бур.
