«ОьрчIру бувсса кулпатирттан арцуйнусса кумаг баву» тIисса республикалул проектрал лагрулий 2021-ку шинал ДР-лул ЗахIматрал ва социал иширттал министерствалул цалчинмур оьрчI бувний дулайсса арцу дуллуну дур 48529 кулпатран.

2021-ку шинал оьрчI бакъаминнан цIуллушиву дуруччаврил органнал ТФОМС-рал арцуйну бартбивгьуну бур 1290 ЭКО-лул цикл. Мукуннасса давуртту дурну дур республикалул цайми шагьрурдайгу, районнайгу, манзилданийсса маслихIатру бувну. 2021-ку шинал цивппа заллусса медициналул идарар­ттаву тIивтIуну бур ялун ххи бувсса кумагрансса репродуктив технологиярттал 2 отделение .
ДР-лул ЦIуллушиву дуруччаврил министерствалул ва ДР-лул ЗахIматрал ва социал иширттал министерствалул «Хъунмур ник» тIисса республикалул проектрал лагрулий цачIу ккаккан бувну бур пневмоккокрал инфекциялийн къаршисса вакцинартту буван аьркинсса бугьара хьусса инсантал (104 инсан).
2021-ку шинал тIивтIуну бур 4 гериатриялул кабинет районнал азарханардай. Гара шинал гериатриялул кабинетирттаву хъин хьуну ур 927 инсан.
ДР-лул ХIукуматрал капитал строительствалул управлениялул ва ДР-лул Дуккаврил ва элмулул министерствалул информациялийн бувну, 2022-ку шинал январьданул 1-ннийнин 20 оьрчIал багъравату 14-нниву къуртал дурну дур строительствалул ва монтажрал давуртту. Ялагу 6 оьрчIал багъ хIадурну бур 52-нния 99 процентрайн биянцIа.
37 оьрчIал багъравату 17-нниву къуртал дурну дур стро­и­тельствалул ва монтажрал давуртту. Ялагу 20-нниву хIадур­шин хIисавну дур 6-нния 96 процентрайн диянцIа.
2022-ку шинал январьданул 1-ннийнин Дагъусттаннал Дуккаву лядуккан даврил институтраву кIулшиврул даража лавай байсса курсру бувккуну бур 965 пишакарнал.
Тамансса давуртту дурну дур мукунна «Жяматийсса цIу­ллушиву цIакь даву» тIисса республикалул проектрал лагрулийгу, «Спорт – оьрмулул нормар» тIисса региондалул проектрал лагрулийгу.