Ярыгиннул турнирданий

Уттигъанну Красноярскалий хьусса Иван Ярыгиннул цIанийсса лачIун буккаврил турнирданий Дагъусттаннал цачIундур командалул цалчинмур кIану бувгьунни.

Дагъусттаннал спортсментурал дурххунни 4 мусил,4 арцул ва 8 чарвитул медаллу.
Мусил медаллан лайкь хьунни Рамиз ХIамзатов, АьппасхIажи МахIаммадов, Шамил Мамедов, Даурен Куругълиев. Арцул медаллу ларсунни АхIмад Идрисовлул, Рамазан Ферзялиевлул, Амануллагь Расуловлул, Шамил Мусаевлул. Чарвитул медаллу дурххунни Муса Мехтихановлул, АьбдурахIман Расуловлул, Ибрагьим Ибрагьимовлул, Кьурбан Шираевлул, МахIаммадрасул ГъазимахIаммадовлул, ХIажи Набиевлул, Ада БахIаммадовлул, Тажуттин Мухтаровлул.
65 килорал кIушиврий чарвитул медаль ларсунни Къяннал шяраватусса Ибрагьим Ибрагьимовлул.