Гьашинусса шинал январь зуруй МахIачкъалаллал аэропортрай кьамул увну ур 179 967 пассажир. Ларгсса шинал вара чIумух бурвгун 25,5% пассажиртурал ххишаласса кьамул бувну бур.

Январь зуруй МахIач­къалаллал аэропортрай дурну дур 1439 рейс. МахIачкъалаллал аэропортрая дуллалисса яла тIайлами рейсру дур Москавлийн, Санкт-Петербурглив, Сургутлив, Ростоврайн ва Краснодардайн.
Январь зуруй МахIач­къалаллал аэропортря гьарзану перевозкартту дурну дур «Победа», «ЮТэйр» ва «S7 Airlines» авиакомпаниярттал.
Му бакъассагу, МахIач­къалаллал аэропортрая тIир­тIунни Омскалийн , Брянскалийн ва Калинградрайнсса цIусса рейсру. Гьарта-гьарза хьунни дунияллул кьатIувсса Бакуйн, Бухралийнсса рейсругу.