Аьрали бурж биттур бувминнан цIа куну

Аьрали бурж биттур бувминнан цIа куну

Ккуллал райондалий цаппара шяраваллаву хьунни кьатIаллил билаятирттай аьрали бурж биттур буллай бивкIминнан хас дурсса мероприятияртту.

Райондалул ва шяраваллал культуралул ва бигьалагай кюрттал каялувчитурал дурсса вай мероприятиярттай гьуртту хьунни аьрали иширттал ветерантал, жагьилтурал, ветерантурал ва жяматийсса ккураннал вакилтал, активистътал, дуклаки оьрчIру.
Хъусращиял шяраву, масалдаран, Авгъанисттанная совет ­аьрал буккан бувну 33 шин шаврин хас дурсса мероприятие дунни. Ванийн оьвкуну бия авгъаннал иширттал ветеран Закарьяев МахIаммадхIажинайнгу. Бувсунни бувкIцириннахь авгъан дяъвилул тарихрая, аьралитурал-интернационалистътурал гьунардая, та ппурттуву чил билаятирттайн аьрали буржру биттур буван лавгсса жагьилтал дяъвилул цIаравух бувкшиврия, къабигьа­сса чIуннардия.
КIилчинмур ЦIувкIуллал шяравумур мероприятиялий гьур­тту хьунни дуклаки оьрчIру, 9-11-ми классирттал дуклаки оьрчIал дурккунни назмурду. Культуралул кюрттарал хъунмур Халисат Гудовал дунни викторинагу. Бувсунни чил билаятирттай къуллугъ бувсса шяраваллил жагьилтурая.
Ваччавмур мероприятие дунни райондалул библиотекалул коллективращал уртакьну. Ва мероприятиялийн оьвкуну бия бугьараминнайн, Ваччиял шяраваллил хъунаманайн, ветерантурайн. Мероприятие дачин дурну бия райондалул ЦБС-лул хъунмур ПатIимат ХIажиаьлиева. Ванил кIицI лавгуна уку-укунсса мероприятиярттал ялун нанисса никиран ххуй­сса тарбия дулавриву бутIа бихьлахьишиву.

Аватар

Патимат Рамазанова

Заслуженный работник культуры РД

Читайте также: