Хъирив лаян дантIиссар оьрчIан дагьайсса арцу

2021 шинал апрель зурул 1-нния шинмай 3 шинава 7 шинавун бияннинсса оьрчIан гьарица зуруй дулун ккаккан дурсса арцул хIакъираву дахханашивуртту хьушиву баян буллай бур ДР-лул ЗахIматрал ва социал хьхьичIунмайшиврул министерство. Апрель зурул 1-нния шинмай кьамул бувсса 261, 0 аьрзирдава 111.4 аьрза махъунмай зана бивтун бур.

Аьрзри махъунмай зана битаврил багьанану хъанай бур дянивсса ялапаршиндарал доход ларайсса душиву, яни доходирттал, хъус-кьинилул хIакъиравусса тIайласса информация къабулаву.
Мунийн бувну кьамул бувну бивкIсса аьрзирдал сияхIрава 42,7 % цIусса тIалавшиннардайн бувну, махъунмай зана бивтун бур.
Выплатарду дагьан даврил хIакъираву кьамул бувсса аьрзри лахъи лагаврин дур цинна хасъсса сававртту. Миннувасса ца яла агьаммур дур, цаппара инсантурал нукIува зана бивтуну бивкIсса аьрзри цIунилгу тик­рал буллалаву. ЧIирисса чIумул мутталий цIуницIакулгу тайва тай аьрзри кьамул буллалаврийну, миннуха зузисса пишакартал хъирив лаллай бакъар жавабру дуллан ва миннулсса буллан.
2021 шинал федерал бюджетрава 3-7 шинавун бияннин­сса оьрчIансса выплатардан хасну ххишалану итадаркьуну диркIсса арцу декабрь зурул ахирданийннин цинявннан диял дан хьуну дакъар.
Вайннул хIакъираву хIасул хьусса бурж мугьлат бакъа лахъантIиссар январь зуруй федерал бюджетрава итадаркьу­сса арцуйну.