Волонтертурал хIарачатрайну дурмур

Волонтертурал хIарачатрайну дурмур

Ларгсса шинал Дагъусттаннал ЗахIматрал министерствалул волонтертурал хIарачатрайну агьалинан 27 000 социал журалул хIаллихшиннарду дурну дур.

КIицI лаганну, хIакьинусса кьини республикалул соцобслуживаниялул идарарттал давривух гьуртту хьун ччисса волонтертурал сияхI ялу-ялун хъунна хъанай най душиву.
Дагъусттаннал ЗахIматрал ва соцразвитиялул министерствалул биялалийсса социал къуллугъирттал цинявппагу идарарттай сакин дурну дуссия волонтертурал кьюкьри. Волонтертал уква, агьалинан социал хIаллихшиннардал чулухасса кумагру буллай, зий бивкIссар.
Вай зий бивкIссар мукьра направлениялий: рувхIанийсса просвещениялул даву дачин дурну, культуралул, досуграл ва байраннал мероприятиярду дуллай, социал кумагирттах мюхтажминнал чIарав бацIлай, Хъун дяъвилул ва дяъвилул иширттал ветерантуран, инвалидтуран ва оьрмулул бугьарасса инсантуран кумагру буллай.
Республикалий 2022 шинал январьданул 1-нийн сияхIрайн лавсун ур 2769 волонтер. Вайннал кьюкьраву хъунмурчIин бур дуклаки оьрчIру ва студентътал.
2021 шинал волонтертурал 27 300 социал хIаллихшиннарал чулухасса личIи-личIисса кумагру бувну бур 13300 инсаннан.
Ва бакъассагу, ларгсса шинал мутталий волонтертурал хIарачатрайну бувну бур хIаллихшиннарду ишла дуллалисса инсантуран хас бувсса 748 ихIсандалул акция.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: