Азарханалул зузала ашкара увну ур

Азарханалул зузала ашкара увну ур

Азарханалул зузала ашкара увну ур

Къизилюртуллал шагьрулул судрал АьФ-лул УК-лул 274. 1 статьялул 4-мур бутIуйн (ихтияр дакъана компьютерданувусса информациялувун уххаву) багьлагьисса тахсир ккаклай, жавабрайн кIункIу увну ур Къизилюртуллал азарханалул информациялул технологиялул отделданул зузала Р.М. МахIаммадов.
Дагъусттаннал УФСБ-лул рартIсса материаллайн бувну силистталул отделданул сукку дурсса уголов делолул лагрулий кIул хьуну бур, 2021 шинал Р.М. МахIаммадовлул, Къизилюртуллал азарханалул хIакин- эпидемиологнал чичрурдавун увххун, вакцинартту бувсса инсантурал сияхIравун ххи дурну дур ми буниялагу къабувсса инсантурал цIарду.
Судрал Р.М. МахIаммадовлун 3 шин ва 6 зуруй дуснакь ан­сса (условно) танмихI кьувкьуну бур. Ванаща зерххуну дур кIира шинай компьютерный технологиярттащал зунсса ихтияр.

Лулттурассаннух мушакъатшиврул группарду буллай ивкIун ур

Хасавюртуллал шагьрулул судрал тахсир ккавккун бур Хасавюртуллал Медико-социальный экспертизалул агьаммур бюрорал каялувчину ивкIсса С.А. АхIмадовлуй. Ванай АьФ-лул УК-лул 159-мур статьялул 3-мур бутIуйн багьайсса тахсир ккаклай бур (къуллугърал каши ишла дурну хIарамзадашиву даву).
2016-2018 шинайн бияннинсса чIумуву С.А. АхIмадовлул, арцуйнусса лулттурасса ларсун, Хасавюртуллал райондалийсса 8 инсаннан мушакъатшиврул группа бувну бур.
Судрал ванан 4 шин ва 6 зуруй дуснакь ансса (условно) танмихI кьувкьуну бур.
АьФ-лул УК-лийн бувну ва журалул тахсиркаршиврухлу инсан 6 шинайн бияннин дуснакь ан бюхъайссар.

ТтукI бацлай биривну бур

УФСБ-лул ва МВД-лул зузалтрал цачIуну ашкара дурну дур МахIачкъалалив, Къизлардай, Къизилюртуллал райондалийсса Кульзеб ва ЦIусса Гадари шяраваллавусса закондалуцIун къадаркьуну зузисса «криптофермарду». Укунсса «криптофермардал» хъунмасса зарал биян буллалиссар республикалул социал-экономикалун, гуж бутлатиссар электросетирдайн. Вай сававну, электросетирдай аварияртту хъанай, ттукI левшсса чIявусса ишру хьуну бур. Хъирив багьну, зерххуну дур 500 млн арцунсса 4343 компьютердал техника. Пишакартурал бусласимунийн бувну, закондалул ххуттава бувккун, харж буллай бивкIун бур ссятрай 8 мегаватт электроэнергиялул.

Экстремизмалул ххуллийн кIункIу буллай ивкIун тIий

Ахттиял райондалул судрал Ахттиял шяравасса С. И. АхIмадовлуй АьФ-лул УК-лул 280-мур статьялул 2-мур бутIуйн багьлагьисса (экстремистътурал кьюкьравун оьвтIутIаву) тахсир ккавккун бур.
2021 шинал июнь зуруй инстаграмраву ванал дирхьуну дур экстремизмалул ххуллийн кIункIу буллалисса материаллу. Тахсир хIисавравун лавсун, судрал кьувкьуну бур ца шинай (условно) дуснакь ансса танмихI. Ва журалул тахсиркаршиврух АьФ-лул УК-лийн бувну инсан 5 шинайн бияннин дуснакь ан бюхъайссар.

Аватар

Андриана Абдуллаева

Андриана Абдуллаева

Читайте также: