Агьамсса инвестициялул проект

Агьамсса инвестициялул проект

МахIачкъалалив байбишин най бур «Русские ярмарки – Махачкала» тIисса инвестициялул проектрал строительстварду дуллай.

ДР-лул Минимуществалул Аьрщарал иширттал управлениялул хъунама Алефтин Аьбдуллаевлул бусаврийн бувну, республикалий ва проект иширайну зузи даврийну региондалийн чIярусса инвестицияртту кIункIу хъанантIиссар, хIасул хьунтIиссар инсантал зун­сса цIу-цIусса кIанттурду, ххишала хьунтIиссар жула ишбажаранчитал Аьрасатнал субъектирдал машлул рынокрайн буккансса сант, республикалул бюджетравун дачинтIиссар налогирттайнусса доходру. Алефтин Аьбдуллаевлул мукунма бувсунни МахIачкъалалив буллалисса ярмаркардал комплекс «Большая Ярмарка» форматрал лагрулий 500 машлул павильон бантIишиву. Ва комплекс цуппагу шинал лажиндарай ярмаркарду дуллан ихтияр дусса Аьрасатнал ярмаркардал сетравун бухлахиссар .
«Ярмаркарттал дизайн ди­кIантIиссар миллатирттал халкьуннал зумувну чIюлу дурсса. Инвестортурал ккаккан дурсса проектрайн бувну, дянив бикIантIиссар агьаммур майдан, лагма-ялтту машлул ва бялахъаврил ва тяхъашивуртту даврил павильонну», – увкунни Аьбдуллаевлул.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: