Дагъусттаннал Росгвардиялул управлениялул зузалт лавхъунни Дагъусттаннал ца яла караматмур зунттуйн – ПпабакIуйн. Зунттул лахъшиву дур 3997 метра.

«Горец» ОМОН-далул зузала, полициялул сержант Аьли А., «Скорпион – Каспий» кьюкьлувасса полициялул лейтенант Рахман А. ва «Ястреб – Каспий» СОБР-данул зузала, полициялул подполковник МахIаммад М. зунттул мицIлийн лавхъунни Дагъусттаннал Спортрал туризмалул федерациялул вакилтуращал.
ТIабиаьтрал шартIру бигьасса къадиркIнугу, зунттуйн лахъан захIмат къавхьуну бур, зузалтрал цIуллу-сагъшивугу, вардиш шавугу гужсса душиврийн бувну. Хасъсса подразделениярттал зузалтраща бювхъунни ПпабакIул мицIлий Росгвардиялул ттугъ бищун.
Ва даву вайннал дурну дия къуллугърал бурж бартбигьлай жанну дуллусса цала дустурал аьпалун.