Цими хьхьири ва цими океан бурвав дунияллий?
Щаллагу дунияллий буссар 63 хьхьири ва 5 океан.
Яла марцIмур хьхьири?
Яла марцIмур хьхьири бур Антарктидалул зумарду шюшайсса Уэделла тIисса хьхьири.
Яла куртIмур хьхьири?
Яла куртIмур хьхьири бур Филиппин хьхьири, ванил куртIшиву дур 10265 метра.
Яла хъунмур хьхьири?
Яла хъунмурну бур Саргас хьхьири. Ва ялагу, океандалул дянивсса хьхьири дунияллий ва ца бур.
Яла чIивимур?
Яла чIивимур хьхьири бур КIяла хьхьири.
Яла гъилимур?
Яла гъилимур хьхьири бур ЯтIул хьхьири. Ванивун царагу нех най дакъасса дур. Ва хьхьирил щатIал лахъшиву мукьцIалла метра дур.
Яла бявкъумур?
Яла бявкъумур хьхьири — Восточно-Сибирское.
Яла къакуртIмур?
Яла къакуртIмур хьхьири бур Азов хьхьири, ванил куртIшиву 13, 5 метралуяр хъуннасса дакъасса дур.
Циняв хьхьирирдавату яла чIявусса билаятирттал зумарду шюшаймур хьхьири бур Средиземное.
Хьхьирирдал чIанулу, Цельсия градусирттайн бувну, 300-400 градус дусса кIирисса гейзерду бур.
Хьхьирирдахь ва океаннахь Аьрщарал ар-майданнал 99% бур.
НякI кит — рухI зумувсса затирттава яла хъунмур бур, ванил къюкI дур автомобильданул лагрулийсса.
Дунияллийсса яла хъунмур зунттал ссирт дур хьхьириву, ва Среднеокеанский кряжрал лахъишиву дур 50 азарунния лирчусса километрардал.
Хьхьирил щинаву дур дарцIу мусил 20 миллион тонна.
Хьхьирил чIанулугу экьинай дур нехру. Ми нехругу тачIав хьхьирил щинащал хIала къадуххайсса дур.
