Хъювхъиял шяравусса райондалул Культуралул ва дялахърулул центрданул филиалданий лахъа-хъунну кIицI лагай цимурцагу байран. Филиалданий каялувшиву дуллалисса Рукьижат Оьмаева цуппава ва даврин куну лявхъусса инсан бур. Гьар мудан кунма, ЦIусса шинал байрандалуцIун дархIусса шадлугърал мажлисгу ванил лавайсса даражалий сакин бувну бия. Рукьижат Оьмаевал барча дунни цинявппагу гьурттучитурахь ЦIусса шин. ЦIусса шинал байрандалул тарихрая бусласисса ихтилат бунни байбихьулул классирттал учительница Софият Кьурбановал. Дуклаки оьрчIал дурккунни назмурду, увкунни балайрду. Мюрщиминнал хIаз лавсунни Дякъилттаттая ва Марххаладушния.
ЦIусса шинал байран цинявннан дакIний личIансса хьунни.