Вай гьантрай Москавлив хьунабавкьунни Аьрасатнал ХIукуматрал Председательнал хъиривчув Александр Новак ва Дагъусттаннал БакIчи Сергей Меликов.
Хьунабакьаврий ххал бивгьунни Каспий хьхьирил зуманийсса туристътурал кластерданул лябуккулул масъала. Вице-премьернал бувсунни аьркинну душиву республикалий ядуван этнокультуралул жура-журашивуртту.
Ххал бивгьунни мукунма ччуччиялул ва энергетикалул аралул цаппара масъаларттугу, миннувух – энергетикалул комплекс вихшала дишинну зуншиврул аьркинсса чараннал хIакъиравусса, энергосетирдал хозяйствалул объектирдал тагьарданул ва газораспределительданул ва электричествалул сетирдал инвентаризация даврил, миннул консолидациялул хIасиллал масъалартту. Мукунма республикалул шяраваллу газрал дузал даврил масъалартту. Миннуяр ххишалагу, ххал бивгьунни республикалул ЖКХ-лул комплексрал модернизациялул масъалартту. Ихтилат хьунни, му масъала дузал баншиврул, миккун инвестицияртту дучIан дуван аьркиншиврул хIакъираву. Ххал бивгьунни мукунма региондалий цIанасса ппурттувусса санитар-эпидемиологиялул тагьарданул ва агьалинал вакцинарду баврил масъаларттугу.
