Вакцина бувара тIий ур муфти

Вакцина бувара тIий ур муфти

Дагъусттаннал муфти щайх АхIмад Апаннинал республикалул агьалинахь, коронавирусрал азар цIунилгу ппив хъанай нанисса тагьар духьувкун, азар къадиянсса тIалавшиннардугу дурурччуну, прививкарттугу дувара тIисса тавакъю бунни.

Ванал лаизаву дур Муфтиятрал аккаунтрай социал сетирдай. Ва ур, чаклийн мизитирттавун бувкIми бикIу, укунма цала иширттай бувкIсса агьали бикIу, прививкарттал хIакъираву ци пикри бур тIий цIухлан бикIай, прививкартту дуваннин цал дагьайкунсса хъиривлаяву дурну, къадуван багьлагьисса иш бакъахьурча, зувагу, зула лагма-ялттумигу вирусрахьхьун къабирияншиврул, прививкартту дуваву маслихIат буллай ура тIий.
Шиккува кIицI лаганну, Аьрасатнал Бусурманнал рувхIаний управлениялул хъунама муфти Равиль Гайнуттиннулгу вайва гьантрай Москавуллал Хъун-мизитраву вакцинация дуван махъаллил махъанарду тIисса мяъна-мурадрайсса ихтилат бувшиву. Ванал дакIнийн бувтунни Саоьдуллал Аьрабусттаннал гьашину вакцинартту бувми цала билаятрайн итабакьинсса хIукму бувшиву, мунийну хIажлийнсса ххуллугу тIивтIушиву.

Аватар

Патимат Рамазанова

Заслуженный работник культуры РД

Читайте также: