Хьунабавкьунни мэр ва муфти

Хьунабавкьунни мэр ва муфти


МахIачкъалаллал мэр Салман Дадаев ларгсса алхIаткьини цIунилгу хьунаавкьунни Дагъусттаннал муфти АхIмад-хIажи Аьбдуллаевлущал. Вайннал ихтилатгу цIуницIа, хъунмурчIин, республикалий коронавирусрал къашавайми гьарза хъанай бухьувкун, цукунсса чаранну ккаккан аьркинну буссарив, муфтиятрая цукунсса кумаг аьркинну буссарив аьч буллалисса хьунни. Мэрнал муфтинахь мизитирттавун чаклийн бучIайминнангу тагьар уттигу нигьачIийсса душиву, агьали ва коронавирусрал балаллува буккансса ххуллу вакцинарду буваву бушиву бувчIин буллалияра тIисса тавакъю бунни. Шиккува дакIнийн бувтунни, республикалий азарханарду къашавайминнал бувцIуну бивкIсса ва даруртту биял къахъанахъисса ппурттуву муфтинал Аьрасатнал Президент Владимир Путиннун цукунсса иш буссарив баян бувайхту, хIукуматрал къулагъас дуршиву, даруртту ва хIакинтал республикалийн тIайла бувкшиву. Шагьрулул бакIчинал бувсунни МахIачкъалаливсса Хъунмизитрал чIарав вакцинарду буллалисса мобил пункт цIунилгу тIитIлатIишиву.

Аватар

Патимат Рамазанова

Заслуженный работник культуры РД

Читайте также: