ХIакьинусса кьини коронавирусрал азар сававну щаллагу дунияллий хIасул хьуну дур инсаниятрал оьрмулун хъуннасса нигьачIаву дусса тагьар. Мунийн бувну цума-цагу инсаннал пикри бан аьркинссар цала ва цала мачча-гъаннал цIуллушиву дуруччаврил ялув. Цуксса хIайпнугу, пандемия жула ялату лаглай дакъар. Утти мунивух цамургу вирус хIала дурххун, хъиннура оьлуркъуну дур. Щаллагу дунияллул инсантурал коронавирусрал инфекциялия буруччаву мурадрай бартбигьлагьисса чараннава ца яла мюхчанмур вакцина бушиву исват хьунни. Вакцинартту буллай байбишайхту, хьхьичIва-хьхьичI бувссия нагу. Утти ванил чIун лагавай дур, пикрилий ура, вай гьантрай лавгун, вакцина тикрал бан. Дагъусттаннал Халкьуннал Мажлисрал депутатътурал сайки цинявннал бувссар вакцинартту.
ЧIявуминнал вакцинартту бувсса чIумалли жущава нигьачIаву дакъа, нукIува кунма, оьрму бутлан бюхъантIисса. Тасттикь хьунни Аьрасатнал итабавкьусса цинявппагу вакцинартту мюхчансса ва мюнпат бусса бушиву.
Ххирасса лак, ттул зухь хъунмасса миннатри, бюхъайссаксса анаварну ва цила ххуллий бувара ххалаххи! Ххалаххи баврийну зу ххассал буллалиссару зулва ва зула лагма-ялттуминнал ххазинасса оьрмурду!
Камил Давдиев, ДР-лул Халкьуннал Мажлисрал председательнал хъиривчу
