Жу, Дагъусттан Республикалул Халкьуннал Мажлисрал депутатътал, Марат Илиясов ва Артур Исрапилов, лабизлай буру лакрал агьалинайн – Лаккуйссагу, Дагъусттаннайссагу, щалагу Аьрасатнавуссагу!
Махъсса кIира шинал мутталий, хар-хавар бакъа ялун дирсса бала-хатIасса коронавирусрал цIуцIаву сававну, диялну гьулусан хьунни жула ялапаршиндарал тагьар. Му рахIму бакъасса азарданул зевххунни жула дянивату биялсса инсантал, жува миннах жижара бан, хъина-къахъина учин хъирив лаллайгума бакъару, ца дард чIири личIаннин ялун диллай дур цамур.
Му цIуцIаву кьукьин дурну, духлаган дансса дарув цалсса лявкъуну бакъар. Мунища жува бурувччуну личIансса бур анжагъ ца дарман – вакцинациялул ххалаххи.
Жул зухь миннатрал ххуллийсса тавакъюри, биччи-бакъулшиву къадурну, ляхъан буллалисса щялмахъну-щялусса хавардайнгу вих къахъанай, бивзун лавгун, бувара вакцина!
Бувара, зувагу, зулациригу чIун дакъасса оьрмурдацIа къахъананшиврул. ХIакьину хъанахъимур мурчIинангума чIалачIисса бур, бувчIлачIисса бур. Бувара му цIуцIаврийн къарщину бацIансса ххалаххи! Оьрмулуяр ххирасса зат так оьрмур бусса!
ХIурматращал Марат Илиясов, Артур Исрапилов
