Гьуртту хьунни «Зузияра, уссурвал!» тIисса акциялувух

Гьуртту хьунни «Зузияра, уссурвал!» тIисса акциялувух

Аьрасатнал Виричув МахIаммад НурбахIандов увсса кьи­нилуцIун бавхIуну Ленинкент поселокрай хьунни «Зузияра, уссурвал!» акция. Акция сакин дурну дия Дагъусттаннал Госавтоинспекциялул зузалтрал ва МахIачкъала шагьрулул Депутатътурал мажлисрал вакилтурал. Ва хас дурну дия къуллугърал бурж бартбигьлай жанну дуллусса полициялул зузалтран.

Мероприятие тIитIлай, ихтилат бунни Дагъусттаннал УГИБДД-лул хъунама полициялул полковник Александр Шалагиннул.
ДакIнийн бутан, полициялул лейтенант МахIаммад НурбахIандовлул жан дуллуссар 2016-ку шинал июль зурул 10-нний. Къачагътуран ччай бивкIссар МахIаммадлул цала коллегахъахь полициялул органнава насияра увкуну, къучагъсса лейтенантнал, къачагътурал рахIму къабаншиву кIулну бунува, «Зузияра, уссурвал!» увкуссар.
Шикку гьуртту хъанахъиминнал Виричувнал аьпалун минутрайсса пахъ багьаву дунни, дирхьунни гьайкалдануцI тIутIив. Акциялул лагрулий ГИБДД-лул зузалтрал лачIун дунни цала машинарттай Виричувнал сурат ва «Зузияра, уссурвал!» тIисса ванал махъру бусса стикерду.

Аватар

Андриана Абдуллаева

Андриана Абдуллаева

Читайте также: