ДучIиннал жяматрансса бахшиш

ДучIиннал жяматрансса бахшиш

ЦIуминалийсса ЦIуссалакрал райондалий ДучIиннал шяраву «Формирование комфортной городской среды» тIисса федерал проектрал лагрулий буван тIий бур цIусса парк. Ва буван итадаркьуну дур 3600 квадратный метра аьрщарал.

Махъсса шиннардий ЦIу­ссалакрал район чялишну гьуртту хьунни паркру, садикру, ФАП-ру, ххуллурду ва цаймигу объектру дансса субсидияртту итабакьинсса республикалул ва федерал программарттавух. Вай программарттал кумаграйну гьашинусса шинал ЦIуминалийсса ЦIуссалакрал ва Гьамиящиял шяраву тIивтIунни ххаллилсса кIива парк.
«Шяраваллил администрациялул даврил агьаммур мурад хъанахъиссар жяматраха аякьа даву, ялапар хьунсса шартIру къулай давриха зузаву. Мунийн бувну, жугу хIарачат буллай буру, миллатирттал, муниципал ва республикалул программарттавух гьуртту хьуну, жула шяраваллил инфраструктура хьхьичIуннай даву, жяматрал багьу-бизу гьаз баву мурадрайсса давурттаха зун», – увкунни ДучIиннал шяраваллил бакIчи АбутIалиб Аминовлул.

Аватар

Имара Саидова

Журналист, обозреватель. Освещает культурные собыия в Лакском и Новолакском районах.

Читайте также: