Аьрасатнал Президентнал къулбас дунни уголов кодексраву дахханашивуртту дуллалисса закондалий.
Утти ххуллул низамрал тIа­лавшиннарду къадуруч­лачими, хъуннасса аьчIа дишав­рицIун, танмихIрайнгу кIункIу бан, хIатта шанна шинай дуснакь бангума бюхъайссар.

Укунсса танмихI бан бюхъайссар хьунинххуллийн увккун тIий ва анаварну най ивкIун тIий кIийла административ жавабрайн увцума. Шамилчингу укунма низамрал ххуттава бу­ккарча, вайннал хIакъираву уголов дело сукку дантIиссар.
Уголов кодексраву утти бувкссар статья 264,2. Ванийн бувну, ххуллул низамрава бувккун тIий кIийлла аьчIа дирхьусса ва кIийлла ихтиярду зерххусса шупIиртал уголов жавабрайн буцайссар. ЦIусса статьялий жавабрайн бувцуми ялагу хьунинххуллийн буккарча ягу анаварну (ссятрай 60 километралияр ххишалану) най бириярча, миннан­сса танмихI хъиннува кьянкьа­сса бикIантIиссар.