Январьданул 25-нний Дагъусттаннал БакIчи Сергей Меликовлул каялувшиврий хьунни Дагъусттаннал догазификациялул (инсантурал къатравун газ буцаву) республикалул штабрал ва республикалул энергетикалул ва ЖКХ-лул энергетикалул идарартту экономикалул ххуллийсса лябуккулул штабрал цачIусса батIаву.

«Республикалий догазификациялул масъалартту бартбигьаву мурадрай сакин бувну бивкIссар газификациялул региондалул штаб. Мунил дурссар цийнна тапшур дурну диркIсса давуртту. Амма хъирив лавну аьям бувну бур инсантурал къатравун газ буцаврил давуртту махъун дагьну душиву», – кунни Сергей Меликовлул. Мунал бувсунни мунил сававрттугу.
Республикалул шяраваллавун газ буцаврил давурттал хIакъираву ихтилат бунни ДР-лул энергетикалул ва ЖКХ-лул министрнал кIанайма Ризван Мурадовлул. Мунал тIимунийну, хIакьинусса кьининийн цIакь дурну дур шяраваллаву гьарца дуллалисса объектрал ва миннул цачIусса газ буцаврил план-графикру, мукунна рязишиву ларсун дур ми давуртту къуртал даврил чIумул ва миннун итадакьинсса арцул масъалалул хIакъиравугу. Ризван Мурадовлул бувсунни мукунма, циксса къатравун газ бувцуссарив, цикссаннувун буцинтIиссарив гьашину, циксса заявкарду буллуссарив, циксса кьутIирду чирчуссарив ва чичин аьркинссарив.
Оперштабрал батIаврий шяраваллавун газ буцаврил проектирдащал дахIаву дусса циняв идарарттал каялувчитурал бувсунни цалла дуллалисса давурттал хIакъираву.
БатIаву къуртал хьуну махъ журналистътуращалсса хьунаакьаврий региондалул каялувчинал бувсунни цува хьунтIишиву догазификациялул ва ЖКХ-лул цачIусса оператив штабрал каялувчи. Бувсунни сакин бувантIий бушиву 2 зузи группа. Миннувасса цаннил каялувчи хьунтIишиву ДР-лул Минэнерголул каялувчи, гамунилсса – строительствалул министр.