Ва иш хьуну бур Люберцы шагьрулий. Ва шагьрулул поликлиникалий зузисса дагъусттан оьрчIру Исмяил ХIажиев ва Ражав Аьбдулабеков цала смена къуртал хьуну махъ дусначIан най бивкIун бур. Вайннан ххал хьуну бур кIичIираву марххалттанийн багьсса хъамитайпа. Ва кIулшилий къабивкIун бур. Исмяиллул бусласимунийн бувну, хъамитайпалул ненттабакIраву ссайн-бунугу щусса аьшгу диркIун дур. Арх бакъа тIуркIу тIисса мюрщи оьрчIал бувсун бур хъамитайпа мукун багьну мадара хIал хьушиву. Дагъусттан оьрчIал цал ва цийнма цуппа бучIан бувну бур, яла оьвкуну бур Анаварсса кумаграйн. Му бияннингу ва кIийла-шамийла хIалдания лавгун бур. ЧIумуй бувсса кумаграйну хъамитайпа дякъища ххассал бан хьуну бур.
Ася ХIусайнова, ДГУ-лул журналистикалул отделениялул 3-мур курсрал
