Дагъусттаннайсса щинал, ттукIрал, газрал масъалартталсса буван махъ буллунни Президентнал

Дагъусттаннайсса щинал, ттукIрал, газрал масъалартталсса буван махъ буллунни Президентнал

Президент Владимир Путиннул Москавливсса пресс-конференциялий Дагъусттаннай­сса газрал, ттукIрал ва щинал ма­съалартталсса буван махъ буллунни. «Дагестан» РИА-лул каялувчи МахIаммад МахIаммадовлул буллунни республикалийсса энергетикалул кризисрацIун бавхIусса суал, щинал ва ттукIралсса буллалисса коммерциялул структурарду низамрайн дуциншиврул федерал центрданул кумаг аьркинни тIисса.

– Махъ буллай ура му иширал хъирив лаян. Россетирдал хасъсса подразделенияртту духьун­ссар микку. Щинал дузалшиндарал хIакъиравурив, республикалул хъуниминнал му даву цукун дурну дурив ххал дигьин аьркинни цал, республикалул балансрай дуссарив ягу коммерциялул структурардахь дуссарив. Росгидролущалгу мува ишри бикIантIисса. Хъирив лаян аьркинни, мяълумсса жаваб дулуншиврул. Хъирив лаянну, – кунни.
Дагъусттаннал агьалинахь ЦIушинал байрангу барча дурну, Президентнал кIицI лавгунни жулла региондалул чулухунмай цалва личIиссава хIурмат бушиву.
КIицI лаганну сайки 4 ссятрал ( 3 ссят ва 56 минут) мутталийсса конференциялий Путиннул 55 суалданухьхьун жаваб дуллушиву.

Аватар

Патимат Рамазанова

Заслуженный работник культуры РД

Читайте также: