Ларгсса тталаткьини республикалул захIматрал ва социал развитиялул министр (врио) Изумруд МухIуттиновал «Единая Россия» партиялул приёмнайлуву кьамул бунни цалва масъаларттаягу бусан, кумагралгу хъирив бувкIсса инсантал.

ЧIявуми «Социальный контракт» проектрацIун бавхIусса масъаларттащал бувкIсса бия. Масалдаран, проектрал кабакьаврийну репетиторшиву дуллалисса Анатолий Русидзел цанма гихунмайгу кумаг аьркиншиву бусайхту, ванан маслихIат бунни, министерствалул грантирттал программалийн бувну, дарсру дихьлан мушакъатсса (ОВЗ) оьрчIахь.
Вара проектрал лагрулий хьхьичIра 250 азарда къуруш ларсъсса Мухтар Кирсоновлул бувсунни, цува туристътурал машан ласласисса тIаннул сувенирдахун агьну ушиву, соцконтрактрал арцул хъунмур бутIа тIаннул даврин аьркинсса лазерданул станок ласун харж дуршиву ва уттигу кумаг аьркинну бушиву. «Забота» интернатравун реабилитациялул курсирдайн лага-бучIайсса оьрчIру ххилансса вахта аьркинну бушиврия ва укунмасса мурадрайсса цаймигу масъалартту гьаз бувна ва кьини министрначIан бувкIминнал. Ванилгу бувчIин бунни кумаграл хъирив бувкIсса цаягу инсаннал масъала къулагъас къадурну къабитантIишиву, гьарманан шайсса кумаг бувантIишиву.