Ччуччиялул рынокрай хIасул хьусса тагьарданул хIасиллу дуллай, махъсса шанна нюжмардий СУГ-рал багьа 33.5 къурушрая 30.4 къурушрайн багьунни.
Му бакъассагу, республикалийсса хъунисса автозаправочный отраслирдал каялувчитуращал Дагъусттаннайсса УФАС-рал дурсса совещаниялий маслихIатру бунни, ччуччиялул багьри экономикалул ккаккан бувссаннуяр лахъ буллансса ихтияр дакъашиву. Мукунма АЗС-рал каялувчитурая тIалав бунни автозаправкардал сетирдай ччуччияртту даххаврихсса багьри ссайн бувну ва цукун ккаккан буллай буссарив бусласисса документру дузал бан.
