Дагъусттаннай цалчинсса ветроэлектростанция бан тIий бур 2023-ку шинал ЦIуссалакрал райондалий. Дагъусттаннал Энергетикалул ва ЖКХ-лул бусласимунийн бувну, ва даву дузрайн дуккан дан инвестортурал 1,4 миллиард арцул бивчуну бур.
ЦIанасса чIумал буллай бур республикалий цалчинсса, мурчал гуж ххал бигьинсса ва объектрал проект дансса, 100 метралул лахъсса комплекс. Ветропарк зузи бан тIий бур 2023-ку шинал IV-мур кварталданий. Ва буллантIисса «Махачкалинская ВЭС» компаниялул ва ЦIуссалакрал райондалул проект архIал дузрайн дуккан дансса кьутIи чирчуну дур. Ветроэлектростанция бан тIий бур Новостройрал чIаравсса аьрщарай. Ванил гуж бикIантIий бур 12,5 МВт. Цаппара промышленный ВЭУ-дал дузал бан тIий бур шинай 30 миллион кВТ- лия ливчусса электроэнергиялул чIарахсса шяраваллу ва МахIачкъалаллал Ухссавнил чул. Икьралданий мукунма увкуну бур, вай давуртту дуллалисса чIумал, ва ветроэлектростанция зун бивкIсса чIумал хьхьичIва-хьхьичI давурттайн кьамул бантIишиву чIарахсса шяраваллал агьлу.
