Дагъусттаннал ЗахIматрал ва социал иширттал министерствалул бартдигьлагьисса паччахIлугърал программалул хIарачатрайн бувну, кьатIаллил билаятирттай яхъанахъисса 130 дагъусттанлув зана хьуну ур республикалийн.
Вайннавугу чIявуми Азирбижаннаватусса бур (108 инсан), хъирив – Таканава (7 инсан) , Узбакисттанная, Гуржиянава ва Арманинавагу — ца-ца инсан. Ватандалийн зана хьуминнангу, миннал кулпатирттангу багьайкунсса медициналул кумаг буллалиссар уква, аьркин багьарча. Мукунма зузи кIанттурдалгу дузал буллалиссар, оьрчIру дуккин буван, аьркинсса документру дузал буван кумаг буллалиссар. Ватандалийнмай зана хьун ччисса агьулданун кумаг буваву Аьрасатнал миграциялул политикалул ца хьхьичIунмур даврин ккаккан дурну дур. Дагъусттаннал Минтрудралгу ва программалул лагрулий зана хьун ччиминнан кабакьу буллалиссар гихунмайгу.
