Ноябрьданул 17-нний Москавлив Дагъусттаннал БакIчи Сергей Маликов хьунаавкьунни АьФ-лул Федерациялул Советрал Председатель Валентина Матвиенкощал. Миннал ххал бивгьунни республикалул социал-экономикалул лябуккулул масъалартту.

Сергей Матвиенкол бувсунни ккаккан дурсса проектру бартдигьаврил хIакъираву. Республикалул каялувчинал тIимунийну, циняв масъалартту бартбигьлай бур пландалий ккаккан бувсса низамрай. Дахханашивуртту дурну дур национал проектирдаву. ЦIана зий бур инфраструктурарттансса кредитру ласаврил иширттаха ва инвестицияртту дучIан давриха.
Валентина Матвиенкол тIимунийну, республикалул дур хъунисса каширду, ми аьч хьуншиврул дузал дуллан аьркинну дур хасъсса шартIру, кумаг буллан, лядуккан дуллан ишбажаранчишиврул сиптарду.
Федерациялул Советрал спикернал бувсунни аьркинну бушиву бартбигьин АьФ-лул Федерациялул Советрал ХIукму, хIала-гьурттушиву дикIан аьркиншиву федерал идарарттащал, сенатортал хIадурну бушиву ми иширттаву кумаг буллан.