ЧIявсса шадлугъру

ЧIявсса шадлугъру

Бугьараминнал кьини

Октябрь зурул 23-нний ЧIяйннал шяраваллил Культуралул къатраву хьунни Бугьараминнал кьинилун хас дурсса шадлугъ. Шиккун бувкIун бия шяраваллил бугьарами инсантал ва вай барча буван школалул оьрчIру. Шадлугъ тIиртIуна Культуралул къатрал хъунмур СалихIат Алхасовал. Ванил дакIнийхтуну барча бувуна шадлугърайн бувкIми ва бучIан къавхьуми. ЧIа увкуна цIуллушиву, талихI, тирхханну гьарцагу кулпатирттаву.
Шадлугърай ихтилатру бувуна Аьйдаева ПатIимал, Илдарова Шавлухълул. Лях-карах бугьараминнан хас дурсса назмурду дурккуна мюрщи оьрчIал, увкуна балайрду.

«ЦулчIа ва кьурукь»

Хъинну хIарачат буллали­сса, цила даву канилух дурксса зузала бушиву чIалай бур ЧIяйннал шяраваллил Культуралул къатрал хъунмур СалихIат Алхасова. Вана утти­гъанну ванил, ялун нанисса никиран лакку мазрал тIин-тIааьн асар хьуншиврул, Культуралул къатраву бивхьунни «ЦулчIа ва кьурукь» тIисса магьа гьанулун лавсъсса спектакль. Ва магьлуву хъанахъимур мюрщиминнангу, хъуниминнангу кIулхьунссар, мяъна-мурад кIицI буллан аьркиншиву дакъар. КIицI буван ччива магьлувусса цулкIлул ва кьурукьрал рольлу школалул оьрчIру кIанийн дуртун дургьуну бивкIшиву.

Читайте также: