Террорданухьхьун биривминнал аьпалун

Террорданухьхьун биривминнал аьпалун

Каспийскалий, Ф. Аьлиевал цIанийсса Центральный библиотекалий, хьунни «Аьрасатнал ниттихъул» суккушиннарал Дагъусттаннай­сса отделениялул «Клуб молодого патриота «Отечество» имени Героя Ро­ссии М. Нурбагандова» цIанилусса проектрал лагрулийсса батIаву. Проект щаллу дуллалиссар шагьрулул администрациялул, «Единая Россия» партиялул кIанттул отделениялул ва ЦБС-лул чIарав бацIаврийну.

БатIаврий гьуртту хьуна Каспийск шагьрулул Авгъаннал ветерантурал советрал председатель МахIаммадарип Якьубов, шагьрулул АТК-лул аппаратрал начальник Муртазяли Муртазялиев, Росгвардиялул отделданул инспектор Эрзиман Эмирбегов, мукунма Хьхьирил кадетътурал школа-интернатрал «ЧIава эмировцы», «ЧIава хIажиевцы», шагьрулул гимназиялул «ЧIава оьмаровцы», «ЧIава назаровцы», «ЧIава аметхановцы», шагьрулул махъсса школарттал дуклаки оьрчIру ва ДГУ-рал культуралул факультетрал студентътал.
Хьунабакьаврийсса ихтилатру хъунмурчIин хьуна 1941-ку шинал 7-мур ноябрьданий ЯтIул майданнив хьусса цIанихсса парадран 80 шин шавриясса ва Каспийскалий чIяру зивурду дусса къатта пIякь учин бувну 25 шин (1996-ку шин) шавриясса.
БатIаву дайдихьлахьисса ихтилат бувна лавай кIицI лавгсса клубрал каялувчи, ЦБС-рал директор Мадина Темировал, мукунма цайминналгу.
Аьрасатнал ва Дагъусттаннал гимнрахгу вичIидирхьуну, бавтIминнал ххал бувна кадетътурал ва студентътурал кIай ишир­ттая бусласисса, ккаккан буллали­сса номерду.

Читайте также: