Абу-Дабилив хьусса UFC 267 турнирданий 30 шинавусса Аьрасатнал лачIунукку, лаккучу Ислам МахIачев цIуссазеландец Дэна Хукердуяр ххув хьунни.
Ххув хьунни цувагу ччянива, цалчинмур раундрайва,«болевой приёмрал» кумаграцIух. UFC- лул хьхьичIунми лачIунбуккултрал кьюкьлуву уттинин МахIачев ряххилчинмур ххуттай уссия, утти ххюлчинмунийн лавхъссар. Турнир къуртал хьуну махъ дуллусса интервьюраву Исламлул бувсунни цува хIадурну ушиву «титульный бойрайнгу». «На UFC мухIулттул хъиривра увкIсса», – увкунни ванал. Бувсунни цува данди увксса къизгъинсса ппурттуву, Дэн Хукер бас уллай унува, ХIабиб НурмахIаммадовлул «переступи через голову» тIисса чIу бавшиву ва мува хIалатраву Хукердул «ацIу, ацIу!» тIисса леххаврил чIу бавшиву.
Инстаграмрай МахIачевлул шанма миллион подписчиктурал бур. Утти UFC-лул Президент Дэйна Уайтлун, му машгьуршиву цIакьлин дургьуну, Мах1ачевлун гужсса муттаэ лякъин багьлай бур. ДакIнийн бутанну Ислам МахIачев ММА-лул турнирдай кьуния цал ххув хьушиву ва UFC-лул турнирданийгу ацIния цал ххув хьушиву. Ва цувагу цал ух хьуну ур.
– На нава ссан учIисса урив ккаккан бував.Титульный бойран лайкьшиву ккаккан бував, – тIий ур МахIачев.
