Ноябрь зурул 14-нния 21-ннийн щалвагу Аьрасатнаву онлайн ва оффлайн кьяйдардай чичинтIиссар экологиялул диктант.
Ва гьар шинах агьалинал экологиялул кIулшивуртту ххал дигьлагьисса, экологиялуцIун дархIусса ихтиярду кIулну дусса-дакъасса аьч дуллалисса проектри. Диктант чичин, экологиялул кIулшивуртту ххал дуван ччисса ухьурча, балжину информация кIул бувара сайтрай: https://экодиктант.рус/. Гьашину диктантрал суаллу, оьрус мазрай бакъагу, ингилис ва испан мазурдийгу бикIантIиссар. Цурда диктантгу щаллагу дунияллул халкьуннал дянивсса лагрулийсса хъанахъиссар, кьатIаллил билаятирттай яхъанахъиминнащагу гьуртту хьун бюхъантIий бухьувкун. Дагъусттаннай ва диктант чичаврил куратортал Республикалул КIулшивуртту дулаврил ва элмулул министерства ва Дагъусттаннал Малая Академияр. Диктантрал бур 25 суал. Гьашину экодиктант шанма миллиондалуха ливчусса инсантурал чичинссар тIисса хьул бур ва давриха зузиминнал. Уттира онлайн-регистрация дуллай бур диктантраву гьуртту хъанахъими. Ххал дувара зугу, зулла экологиялул хIакъиравусса кIулшивуртту ци даражалий дурив.
