Халкьуннал сянатирттал фестиваль

Ноябрьданул 13-нний Каспийскалий, «Анжи-арена» стадиондалий, хьунтIиссар халкьуннал художествалул промыслирдал ва канил пишардал фестиваль. Ва хъанахъиссар «Open Dagestan» форумрал лагрулийсса даву.

Фестивальданул сакиншинначину хъанахъиссар Дагъусттан Республикалул Туризмалул ва халкьуннал художествалул промыслирдал министерство.
Ва кьини цалла каруннил дурсса эмаратсса давуртту ккаккиялун дишинтIиссар личIи-личIисса сянатирттал усттартурал, хьунтIиссар сувенирдал выставка-ярмарка ва каних дувайсса личIи-личIисса давурттал мастер-классру. Фестивальданул лагрулий хьунтIисса давурттавух дур тяхъашиврулмур программагу.
Фестиваль дайдихьлахьиссар ссят 10:00 хьуну.