Ноябрьданул 14-нний хьунтIиссар дунияллул халкьуннал лагрулийсса акция – «Географический диктант – 2021».
Географиялул кIулшивуртту куртI даву, география лахьхьаврих гъира бутаву мурадрай дуллалисса ва даврил сиптачи хъанахъиссар Аьрасатнал Президент, Аьрасатнал географическое обществолул Попечительский советрал председатель Владимир Путин.
МахIачкъалалив географиялул диктант чичинтIиссар «Аьрасат – ттул тарих» тIисса Тарихийсса паркрал базалий. Ва музейрал пресс-къуллугърал баян бувсса куццуй, цIанасса чIумал dictant.rgo.ru сайтрай най дур Геодиктантрал площадкардал регистрация, цачIа-цачIара акция дуван ччинан ва сайтрай заявка кьадитан аьркинссар ноябрьданул 5-ннийннин.
Акция хьунтIиссар Роспотребнадзорданул тIалавшиннардугу дурурччуну.
Акциялул программалул лагрулий хьунтIиссар Дагъусттаннал география кIу-къакIулшиву ххал дуллалисса викторина, ваний ххув хьуминнан дулунтIиссар хасъсса бахшишру.
ЦIакь хьусса аьдатрайн бувну, Географиялул диктант дувантIиссар мукьра вариантрай, мукьуннивурагу бикIантIиссар мукьцIа-мукьцIалва суал.
