Дагъусттаннал Росгвардиялул Управлениялул подразделениярттаву хьунни Къуллугърал бурж биттур буллай жанну дуллусса зузалт дакIний бичайсса кьинилун хас дурсса мероприятияртту. Росгвардиялул зузалтрал дирхьунни тIутIив аьпалухьхьун лавгсса зузалтрансса гьайкалдануцI, баян бунни минутрайсса пахъ багьаву.

Каспийскаливсса «Скорпион» ОМОН-лул зузалтрал мукунна тIутIив дирхьунни 1999-ку шинал Дагъусттаннайсса дяъвилул иширттаву жанну дуллусса Ярославуллал ОМОН-лунсса гьайкалдануцI.
«Жува тахсиркартурая буручлай, вирттаврал кунна жанну дуллуссар жула къуллугърал уртакьтурал. Жунма вай мудангу дакIний бикIан аьркинссар», – увкунни Дагъусттаннал Росгвардиялул Управлениялул хъунаманан кIанайсса полковник Игорь Магкеевлул.