Виваллил иширттал зузалтрансса савлугъ

ЦIуссалакрал райотделданул актовый залдануву хьунни Виваллил иширттал органнал зузалтрал кьинилун хас дурсса шадлугъ.

Шикку гьуртту хьунни ЦIу­ссалакрал райондалул отделданул хъунама, полициялул подполковник АхIмад Щайхов, райондалул прокурор Светозар Оьма­ров, федерал судья ХIамзат ХIамзатов, ихтиярду дуруччай структурардал каялувчитал. Зузалт барча буллалисса ихтилат бунни АхIмад Щайховлул. Ванал кIицI лавгунни хIакьину райондалул отделдануву цала къуллугърал буржру лавайсса даражалий бартбигьлагьисса жаваблувсса пишакартал бушиву, къуллугърал бурж бартбигьлай жанну дуллусса вирттаврал цIарду райондалул школарттан, кIичIирттан дирзун душиву.
Хъирив хьхьичIунсса зузалт­ран дуллунни наградартту.

Амина Юсупова, ДГУ-лул журналистикалул отделениялул 4-мур курсрал студентка