Республикалул цалчинмур гимнрал авторнал юбилей

Республикалул цалчинмур гимнрал авторнал юбилей

Ширвани Чаллаев

Дагъусттан Республикалул цалчинмур гимнрал автор (партитура) Чаллаев Ширвани Рамазаннул арснал хьунадакьлай ур цалва оьрмулул 85 шинал юбилей. Республикалул Культуралул министерство, ванил бакIчи Зарема Буттаева, Дагъусттаннал культуралул общественность барча тIий бур маэстрохь ххаллилсса юбилей ва чIа тIий бур цIакьсса цIуллушиву, бухкъалагайсса гуж-цIакь, творчествалул виуцIаву.

Увну ур Ширвани Чаллаев Ккуллал райондалий Хъусращиял шяраву. Къуртал бувну бур МахIачкъалаллал музыкалул училище. 1964-ку шинал марцIсса ххювардайну къуртал бувну бур Москавуллал консерватория, 1968-ку шинал тIурча – аспирантура. Яларив – Ленинградрай ва МахIачкъалалив ккаккан бувсса опера «Горцы», «Джунгли» ва «Король Лир» – Н.Ю. Сацлул театрдануву, гихунмайгу – цIу-цIусса произведенияртту, цIу-цIусса хьхьичIуннайшивуртту.
Ширвани Чаллаев хъанахъи­ссар республикалул, щаллагу Союзрал, дунияллул халкьуннал дянив­сса конкурсирттал лауреат.
А. Пушкиннул ва М. Лермонтовлул назмурдайнсса вокалданул циклданухлу 1998-ку шинал лайкь хьуссар АьФ-лул ПаччахIлугърал премиялун. Композиторнал чивчуссар 9 опера, 3 симфония, оркестрданунсса 25 концерт, хорданун­сса ва солистътурансса балайрду, камерный сочиненияртту. Чивч­ссар «Тайна синих гор», «Сказание о храбром Хочбаре», «Ласточки прилетели» кинофильмрдан­сса музыка, цувагу гьуртту хьуссар «Чернов/Chernov» фильмраву.

Читайте также: