Дагъусттаннал хъунаманал барча унни Ширвани Чаллаев

Дагъусттаннал хъунаманал барча унни Ширвани Чаллаев

Ноябрь зурул 16-нний 85 шин там хьуссар Аьрасатнал ва Да­гъусттаннал халкьуннал артист, Аьрасатналгу, Дагъус­ттанналгу ПаччахIлугърал ва ХIукуматрал премиярттал лауреат, Дунияллул халкьуннал дянивсса премиярттал лауреат, хъунасса композитор Ширвани Чаллаевлун. Ва барча унни Дагъусттаннал БакIчи Сергей Меликовлулгу.

Ширвани Чаллаев

«Ина ура уттизаманнул музыкалул культуралул яргсса, ляличIисса инсантурал кьюкьлувасса. Жагьилнийва язи бувгьусса ххуллийн хаин къавхьусса оьрмугу даврийн дакI тIайлашиврул эбратну хь­усса. Буттал улклул макьанну ва такьварду, халкьуннал поэзиялул аваданшиву гьануну ларсъсса вил творчество хIайран буллалисса ва гьарца чулуха авадансса дур. Ина ляхъан був­сса вокалданул ва инструментирттал произведенияртту, симфонияртту ва операрду, киносуратирттансса ва спектакльлансса музыка Аьрасатнал музыкалул культуралул мусил фондравун багьссар. Ми произведенияртту ватандалул ссихIирал, бюхттул бизанттал ва куртIсса кьакьардал вибувцIуну бур. Лахъисса шиннардий бувсса захIматрахлу яла лараймур наградамур – агьалинал ччаву ва гурну ришлашисса хъатрур. ХIакьинусса кьинигу ина мува даражалий, бюхъу-хIарачатрай зий ура, республикалул культуралул ва жяматийсса оьрмулул иширттавухгу гьуртту хъанай. Дагъусттаннал ва Аьрасатнал билаятирттайн дакI марцIну къуллугъ буваврил кка­ккиялунну къуццу тIий», – тIий ур республикалул хъунама композитор барча уллай. Шиккува бусанна Ширвани Чаллаев барча увшиву Дагъусттаннал культуралул министр Зарема Буттаевалгу.
Ванилгу кIицI лавгунни Ширвани Чаллаевлул репертуар гьарза-гьартасса ва мархращалсса, буттал улклущалсса куртIсса дахIаврийну хIайран буллалисса душиву ва ванал произведенияртту Дагъусттаннал миллатирттал музыкалул магьирлугърал тарихраву ттиркьюкьивну личIантIишиву.

Аватар

Патимат Рамазанова

Заслуженный работник культуры РД

Читайте также: