Къакоммерциялул идарарттал (НКО-лул) съезд хьунни МахIачкъалалив Дусшиврул къатлуву ноябрь зурул 23-нний. Ванил сиптачиталну бия Республикалул Национал политикалул ва диний­сса иширттал министерство ва ДР-лул Жяматийсса палата. Съездрал давриву гьуртту хьунни национал политикалул ва динийсса иширттал министр Энрик Муслимов, цIуллушиву дуруччаврил министр Татьяна Беляева, информациялул ва печатьрал министр УмархIусман ХIажиев, жагьилтурал иширттал министр Камил Саэдов, Халкьуннал Мажлисрал депутат Илман Аьлипулатов, Жяматийсса палаталул председатель Аьбдулмуъмин Ибрагьимов ва цаймигу къуллугъчитал.

Энрик Муслимовлул, Сергей Меликовлул цIанияту бавтIциригу барча бувну, кIицI лавгунни НКО-лул агьамсса кIану бугьлагьишиву хIакьинусса оьрму хьхьичIунмай хъит учавриву. Ванал маслихIат бунни хIукуматрал грантру тIалав дуллан, лавсъсса субсидиярттал хIакъираву балжисса отчетру дуваван.
Татьяна Беляевал НКО-дал вакилтурахь тавакъю бунни, коронавирусрацIун дархIусса тагьаргу хIисавравун ларсун, агьалинан вакцинартту баврия чаран бушиву бувчIин буллан.
УмархIусман ХIажиевлул бувсунни республикалул СМИ-рду хIадурну бушиву НКО-рдал даврияту балжину чичлан ва буслан, уртакьну зун.
Камил Саэдовлул бувсунни волонтёртурал ва жагьилтурал жяматийсса ккураннал давурттаяту. Съездрай НКО-лул даву лавайсса даражалийн гьаз даву мурадрайсса, мюнпат бу­сса ихтилат­ру хьунни.