Дагъусттаннал цIа дурксса лачIунбуккулт Рамазан Абачараевлул ва МахIаммад Кьурбанаьлиевлул хьхьичIунсса кIанттурду бувгьунни Аьрасатнал обороналул министрнал Кубокрансса командарттал дянивсса бяст-ччаллаву.
Турнир хьунни вай гьантрай Сергей Шойгул ватандалий – Тува Республикалий. Бяст-ччаллувух гьуртту хьунни 8 команда, гьарца командалуву ивкIссар 9 лачIунукку. Бяст-ччаллу хьуссар олимпий системалий, дух хьумур команда личлай.
Рамазан Абачараев ва МахIаммад Кьурбанаьлиев буклай бивкIссар ЦСКА-лул командалуву. Мунил бувгьуссар кIилчинмур кIану. Цалчинмур кIану бувгьуну бур Общевойсковой командалул (Новосибирск) – 4:5.
Кьурбанаьлиев хъанахъиссар илкинну лачIун буккаврил дунияллул чемпион, Абачараев – греко-римуллал зумунусса лачIун буккаврил дунияллул чемпион.
