ДР-лул ЗахIматрал ва социал иширттал министерствалул ва шинал ахирданийнин дулунтIий бур ялапаршиннарал шартIру ххуй дансса субсидияртту 190-ннийн бивсса авгъан дяъвилул гьурттучитуран. Вай къатрал дузал бан федерал ва республикалул бюджетирттава итадаркьуну дур 223 млн арцул.
Авгъан дяъвилул ветерантуран буллалисса субсидияртту аьмну 1 млн. ва 171296 къурушрайн биллалисса бур.
Вай гьантрай мукунсса свидетельство буллунни Къаякантуллал райондалийсса Усемикент шяравасса Исмяил Аьлибековлун. Ванал кIира шин дурну дур Авгъаннал аьрщарай къуллугъ буллай.
Лайкь хьуну ур Авгъаннал халкьуннал чулухасса «За отвагу» медальданун. ЦIана ва цала шяраваллил школалий зий ур.
КIицI лаган, авгъанцы къатрал дузал бансса субсидияртту шиная шинайн чIяру хъанай дур.
2017-ку шинал субсидияртту лавсун бур 61 инсаннал, 2018-ку шинал – 29 инсаннал, 2019-ку шинал – 62 инсаннал, 2020-ку шинал – 83 инсаннал.
