Къашавай хъанахъими лап чIяву хьуну бур

Татьяна Беляева

ДР-лул цIуллу-сагъшиву дуруччаврил министрнан кIанайсса Татьяна Беляевал вай гьантрай хьусса оперштабрал заседаниялий бувсунни Дагъусттаннай шанна нюжмардул мутталий ковидрал къашавай азарханардай уттубишин буллалими чIявусса бушиву хъин бувну итабакьлакьиминнаяр.

Ванил бусласимунийн бувну, хIакьинусса кьини Дагъусттаннай ковидрал къашавайминнан 2881 койка личIи бувну бур. Миннул ялун 116 койка ххи бан тIий бур. Нюжмардул дянив 477 койка ххишала хьун тIий бур.
-ЦIана ковид-стацио­нардайсса койкардайгу бакI буккан бюхълай бур, хасъсса медициналул кумаграл идарар­тту кIункIу къабувну, — увкунни ванил.
ЦIанасса чIумал республикалул стационардай хъин хъанай ур 2346 инсан, миннава 48 мюрщисса оьрчI, 658 – оьрмулул 60 шинава ливчусса инсантал, 440 – лякьлуву бусса хъами.
Татьяна Беляевал мукунма бувсунни щалагу республикалийсса къашайшалт, тагьар захIмат хьурча, МахIачкъалаллал азарханардай уттубишин бантIишиву. ХIакьинусса кьини реанимациялул отделениярттай 153 къашайшала ур, ИВЛ-даний ур 717 къашайшала.

Амина Юсупова, ДГУ-рал журналистикалул отделениялул 4-мур курсрал студентка