Лякьлуву бусса хъаннин нигьачIаву хъуннасса дур ковидрая

Дагъусттаннал ЦIуллу-сагъшиву дуруччаврил министерство буруккинттарай дур махъсса ппурттуву ппив хьуну нанисса коронавирусрал инфекциялия. Хъунмур нигь дур лякьлуву оьрчI бусса хъаннил ва мюрщи оьрчIал ялув.
ЦIубутIуй, ва азар ппив хьу­сса чIумал, захIматну къашавай хьусса оьрчIру нажагьсса бия. Шамилчинмур щатIул чIумал ва мукьилчинмунил байбихьулий инжит хъанай бур лякьлуву оьрчI бусса хъами.
Аьрасатнал ЦIуллу-сагъшиву дуруччаврил министерстволул оперштабрай кIицI лавгунни цIанасса чIумал ковидрал къашай хьуну нинухъру ливтIусса ишру Аьрасатнаву мукьийла ххишала хьушиву. Дагъусттаннай – кIийла.
Лякьлуву оьрчI бусса хъаннин ва азарунния мюхчан хьуншиврул чIумуй вакцинация дан аьркинссар. Коронавирусрал инфекциялия буруччинсса вакцина, хъирив лавну, хIал ххал бувну бувсса вакцинар. Тасттикь хьуссар муния я ниттил, я оьрчIал цIуллу-сагъшиврун зарал бакъашиву. Прививка дан бучIиссар лякьлувусса оьрчIан 22 нюжмар шайхту.
Аьрасатнал Минздраврал бусласимунийн бувну, Аьрасатнаву вакцинация дурну дур лякьлуву оьрчI бусса 6 азарунния ливчусса хъаннин. Дагъус­ттаннай тIурча – дахьва 68 хъамитайпалун.
Дагъусттаннал ЦIуллу-са­гъшиву дуруччаврил министерство оьвчаву дуллай дур оьрчI бан нанисса хъаннийн, зула цIуллу-сагъшиврул цIаний, иммунитет цIакь даву мурадрай, вакцинация дувара тIий.

Амина Юсупова