Гъаттарал цIуллушиву – жулла цIуллушиву

Гъаттарал цIуллушиву – жулла цIуллушиву

Оь ласлай:
Буттаев Карин, МахIаммадов Шяъван, Аьлиев Хизри

Инсантал кунма, жунма кIулли гъаттарагу цIуцIи шайшиву. ХIакинтал, аьлимтал буслай бур инсанная гъаттарайн цIуцIаву къалахъайшиврия. Гъаттараятурив инсаннайн цIуцIаву лахъайсса дур. Му цIуцIавугу, бусласаврийн бувну, жура дукайсса дикIуйну лахъайсса дур.

Ца хъярчийсса ишираягу бусан ччива. Ттун дакIнийри, нава оьрчIнийсса чIумал, жула чIаххуврал бивхсса оьл бруцеллезрал къашавай бивкIшиву бусласисса. Яла га оьлил дикI ларсъсса, дуркусса инсантал ЧIявсса азарханалийн бувцуну бия. Ца хъамитайпа бия, азарханалийн буцлацийни, аьтIий: «Утти жувагу, ва оьлил дикI ччуччайни кунма, ччуччинтIиссарув?» – тIий.
Ккуллал райондалийсса ветуправлениялул хIакинтал ялув бавцIуну бикIай гъаттарал цIуцIаву ппив къахьун. ЧIун-чIумуй, инттухунмай, ссуттихунмай, гъаттарал оь лавсун, гай ххал буллан бикIай.
Вана уттигъанну Вихьуллал шяравусса ветучастокрал зузалт, шяраваллил хьхьичI дур­сса «расколданувун» гъаттара бакьлай, гайннува оь ласлай бия, бруцеллез цIуцIавурагу дакъарив ххал дуван. Шиккува мукунма кIицI буван ччива ва участокрал хIакинтал мукунма Ссу­хъиящиял, ЦIийшиял, Къяннал ва Хъювхъиял шяраваллавусса ятту-гъаттарал ялувгу бавцIуну бушиву.
Агьамсса даву дуллай бия Вихьливсса ветучастокрал хъунама МахIаммадов Шяъван ва ванал канилусса ветучастокрал зузалт: Буттаев Карин, Аьлиев Хизри, Аьлиева Мариян.
Укуннасса давуртту дурунни ялув кIицI дурсса шяраваллавугу. Яла, цаппара гьантрава, лавсъсса оь Ваччавсса лабораториялул ххал бувну махъ, Шяъваннул бувсуна гъаттарай цукунчIавсса цIуцIаву дакъашиву. Хъиннихха мукун. ЦIуллу баннав зу!

Читайте также: