Балайрдал ва къавтIавурттал савлугъ

Октябрьданул 21-нний, Дагъусттаннал культуралул ва мазурдил кьини, МахIачкъалалив хьунни «Ттул халкьуннал балайрду ва къавтIавуртту» тIисса цIанилусса республикалул фестиваль. Ванил сакиншинначиталну бия ДР-лул Культуралул министерство ва Республикалул Халкьуннал творчествалул къатта.

Республикалийсса санитар-эпидемиологиялул тагьаргу сававну, Роспотребнадзорданул тIалавшиннардугу биттур дуллай, фестиваль хьунни дистанциялул журалий.
Ваний гьуртту хьуна республикалул районнаясса ва шагьрурдаясса (аьмну – 36 муниципал сакиншиннараясса) творчествалул коллективру, таксса балайчитал ва къавтIалт. Фестивальданул гьурттучитурал халкьуннал музыкалул инструментирттахун щаллу бувна халкьуннал балайрду ва къавтIавуртту, ккаккан бувна халкьуннал багьу-бизу, аьдатру чIалачIи дуллали­сса номерду.