Лаккуйгу, Дагъусттаннайгу кIулсса, хъуни-хъунисса къуллугъирттай зий ивкIсса, Лаккуй цалчин Лениннул орден дулун лайкь хьусса, халкьуннал учитель Аьбдулкьадир МахIаммадовичлул кулпатраву увну ур 1936 шинал Сократ Дандамаев.
ЧIивинийва шяраваллил хозяйство ххирасса Сократ, шяраваллил хозяйстволул институтравун увххун, агроном хьуну, ГьунчIукьатIрал колхозрал хъунама агрономну зун ивкIун ур.
Мунияр махъ, цува за кIулсса пишакар ушиву, бусан-учин кIулшиву ккаккан дуллалисса Сократ, агрономная председательнайн ияннин, хъинну лайкьну зий ия личIи-личIисса къуллугъирттай буттал шяраву, пенсиялийн укканнин. Зий аьдатсса инсан паракьатну пенсиялийгу щякъаикIайхха. Жяматрал дянив хIурмат бусса Сократ увчIуну ур Шяраваллил хъунисриннал советрал хъунаману.
Ванал кулпат бур цинявннал дянив хIурмат бусса, дуккаврил бикIу, даврил бикIу, багьу-бизулул бикIу, шавхьсса инсан. Дагъусттан Республикалул лайкь хьусса учительница – Асият МахIаммадханнул душ. Хъунама арс КьурбанмахIаммад, кулпатгу бувну, багьайсса куццуй органнаву зий ия полковник хьуннин, пенсиялийн укканнин. ЦIана райондалул администрациялий бусравну зий ур. Ваналва ххуллийх лавгун, вама арсгу лайкьну органнай зий ур. Цама арсгу, буттал ххуллийх лавгун, цалла хозяйствогу дурну, хIарачат буну, зий ур, жяматрангу бусравну. Сократлул душгу, зунттал хъамитайпалун лайкьну къаттагу нани бувну, оьрчIру хъуни буллай бур.
ГьунчIукьатIрал ккурандалул чулуха дакIнийхтуну барча тIий ура Сократлухь оьрмулул 85 шинал юбилей, чIа тIий ура цIуллу-сагъшиву, лахъисса оьрму, барачатшиву!
ГьунчIукьатIрал ккурандалул председатель ХIусайнахъал ХIажибутта
