Та декабрь зурул пасатсса хьхьуну,
Дуниял цакуну цIаннал дургьуна.
КьурукIинттул ина бивчу микIирал,
Жул дакIру дагьайкун микIлачIун дурна.

ДуркIуна яла инт, хъирив – май барзгу,
Буттахъал ххувшаву ларсъсса байрангу.
Му кьини илданун ина бутайсса,
Ссупра къабювхъуна жуща бутангу.

Лагавай вана гъи, дуркIсса кIул хьуннин,
МикIирал дурцIусса жулми дакIруми,
Дассайссияв, ина янилу акъа?
Къадарссунни, валлагь, ци булларчагу!

Вана тти бувкIунни сентябрь барзгу,
Ина дунияллийн увксса кьинигу,
БувкIру жугу вичIан, гьаттай кьарчI бикIан,
Байраннугу утти къадайсса бусан.

Ина иман дирхьу вил аьзиз арсгу,
Ур хIарачат буллай, яхIлил ттарцI хьуну.
Ина дуллай ивкIсса давуртту дуллай,
Ина кунна дуван,вил цIа ядуван.

Ина тарбия був вил уссурвалгу,
Вил дарсру дакIниву дургьуну зий бур.
Так цукунчIав лахьхьин тIий бакъар тти жун,
Сулайман акъасса дунъяллий яхьун.

Ина ххирами ва виха дуаьлийми