АхIвал кIюласса кулпатирттавасса оьрчIансса кумаг

АхIвал кIюласса кулпатирттавасса оьрчIансса кумаг

Щалагу Аьрасатнаву аьдатравун багьну бур ЗахIматрал ва соцразвитиялул министерствалул сипталийну ахIвал кIюласса кулпатирттан оьрчIру школалул кьайлул дузал бан кумаг буллалисса ихIсандалул акция «Собери ребенка в школу».

Акциялул лагрулий ДР-лул ЗахIматрал ва соцразвитиялул министерствалул районнайсса ва шагьрурдайсса центрдал кумаг бувну бур 1000 оьрчI школалул кьайлул дузал ан. Акциялул давривух чялишну хIала бувххун Дагъусттаннал Хъаннил Союзрал ДР-лул Миллатирттал иширттал министерствалущал цачIуну кумаг бувну бур ахIвал кIюласса кулпатирттавасса 500 дуклаки оьрчI школалул кьайлул дузал ан – гьарца оьрчIан тIайла бувккун бур ручкардал, тетрадирттал, дневникирттал, пеналлал, альбомирттал ва кьалантрал дузалсса къахъларду. ОьрчIансса комплектру районнайн ва шагьрурдайн тIайла бувккун бур Дагъусттаннал Хъаннил союзрал хъунмур Интизар Мамутаевал ва Миллатирттал иширттал министр Энрик Муслимовлул.
Хъаннил союзрал Лакрал райондалийсса отделданул хъунмур Зувайрижат Мудуевал школалул кьай-кьуй тапшур дурунни ахIвал кIюласса кулпатир­ттавасса 10 оьрчIан. Бувсса кумаграхлу оьрчIал нитти-буттал цIания ванил барчаллагь увкунни Дагъусттаннал Хъаннил союзрал хъунмур Интизар Мамутаевахь.

Читайте также: