«Сентябрьданул 1-нний билаятрай шайссар цIусса дуккаврил шинацIун бавхIусса чIявусса ххари-ххуйсса ишру. Мукунсса ца ишну хъанай бур Дагъусттаннай 37 цIусса социал объект бувну, къуртал баву.Миннувату 36 бувну бур аьралуннал строительтурал», – кунни Путиннул.
Мунал мукунма бувсунни цIусса школартту дузал буллай бушиву ттизаманнул техникалул ва цаймигу къулайшивурттал.
Дагъусттаннал БакIчи Сергей Меликовлул тIимунийну, аьралуннал буллалисса социал объектирттащал архIал республикалий шинал ахирданийнин тIитIинтIий бур уттигу 24 цIусса школа ва оьрчIал багъ. ХIакьину республикалий тIитIлай бур 20 дуккаврил объект. ЦIанасса шинал ахирданийнин Да­гъусттаннай тIитIинтIий бур уттигу 51 объект, миннувату 27 бувну бур минобороналул .
Республикалул каялувчи цIанасса ппурттуву ур Эндирейллал шяраву, тиккугу тIитIлай бур ца школа.
Аьралуннал строительтурал Дагъус­ттаннай социал объектру баврил хIакъираву ихтилат бунни мукунма Аьрасатнал обороналул министр Сергей Шойгул.