Вай гьантрай Эстониянаву хьусса Европанал тхэквандолул первенствалий Аьрасатнал цачIундур командалуву гьуртту хьуну бувкIунни Дагъусттаннал спортсментал. Вайннавух бия ЦIуссалакрал райондалиясса спортсменка Аьзиза ХIусайновагу.
Мичча мусил медаль хъиривну бувкIсса Аьзиза ХIусайнова бур ЦIуссалакрал гимназиялул 8-мур классраву дуклакисса душ. Ва хIадур бувну бур тренер-преподаватель Мурзахан Мурзахановлул.
Аьрасатнал командалувасса спортсментурал вай бяст-ччаллаву ларсунни ялагу шанна мусил медаль. Вайннува чарвитул медаллу ларсунни Дагъусттаннаясса ХIава ХIусайновал ва Нинаханум МахIаммадовал.
